Teknologiako 4. mailako gazteek hutsetik eraikitako prototipoak arrakastaz probatu zituzten joan den maiatzaren 28an, EHUko Ingenieritza Eskolak antolatutako topaketan. 

Gaur egungo gazteek talentua eta teknologia uztartzen dituztela argi geratu da berriro ere. Teknologia ikasgaiko 4. mailako ikasleek parte-hartze bikaina izan dute Euskal Herriko Unibertsitateko ingenieritza eskolak (EHU) garatutako “Urpeko Drona” proiektuan. Joan den maiatzaren 28an Plentziako Kai Eder Klubean egindako amaierako topaketan, Zaraobeko ikasleek 2. saria eskuratzea lortu zuten, egindako hainbat probatan erakutsitako maila altuari esker.

Hutsetik hasitako erronka teknologikoa

Proiektu honen zailtasun eta meritu nagusiena ikasleek prototipoak zerotik garatu behar izan dituztela izan da. Gelan ikasitakoa praktikan jarriz, gazteek prozesu osoaren erronka euren gain hartu dute:

• Dronaren egitura diseinatu eta sortu dute.
• Muntaketa elektriko osoa egin dute, motorrak txertatuz.
• 3D inprimagailuen bidez, drona gidatzeko mandoa bera ere fabrikatu dute.

“Lan talde itzela eta diziplina anitzekoa eskatu duen erronka izan da, ingeniaritza eta sormena eskutik helduta joan baitira.”

Nazioarteko topaketa Plentziako itsasbazterrean

Maiatzaren 28an iritsi zen urpeko Dronaren azken froga. Plentziako Kai Eder hainbat ikastetxetako ikasleak elkartu ziren, jatorri ezberdinetakoak: Araba, Bizkaia, Gipuzkoa eta baita Toulouse (Frantzia) ere, proiektuari nazioarteko ukitua emanez.

Ikastetxe bakoitzak bere prototipoa uretara bota eta hainbat froga funtzional pasatu behar izan zituen. Zaraobetarren drona izan zen fidagarrienetako eta azkarrenetako bat, eta diseinu eta eraginkortasun proben ostean, merituzko 2. postua eta saria etxera ekartzea lortu zuten.

Oihartzuna komunikabideetan

Lortutako arrakastak oihartzuna izan du hedabideetan. Txapelketa amaitu bezain laster, Euskal Irratiak irabazleei elkarrizketa egin zien. Uhinen bidez, ikasle zaraobetarrek proiektuaren xehetasunak, bizitako urduritasunak eta hainbat hilabetetako lan gogorraren ostean lortutako sariaren poza entzuleekin partekatzeko aukera izan zuten.

Zorionak gazteei egindako lanagatik eta lortutako itzelezko emaitzagatik!

The post URPEKO DRONA appeared first on Zaraobe Institutua.

Zientzia eta asmakuntza, eskutik helduta

Proiektu honen aberastasuna arlo ezberdinen arteko elkarlanean datza. Izan ere, zientzia eta teknologia arloko hainbat ikasgaik parte hartzen dute zuzenean: Mate, Fisika eta Kimika, IKT eta Asmakuntza.

Fisika eta Kimika ikasgaian, adibidez, energia berriztagarriei esker elektrizitatea modu garbian lor daitekeela ikasi dute ikasleek. Teorian ikasitako horri guztiari forma emateko, erronka praktiko bat jarri diote beren buruari: energia solar fotovoltaikoan oinarritutako maketa bat eraikitzea. Modu honetan, elementu natural bat —eguzkia— elektrizitatea sortzeko gai dela begiekin ikusi eta kontzeptuak askoz hobeto ulertzea lortu dute, asmakuntzaren eta teknologiaren laguntzaz.

“Eguzki-energia energia-iturri guztien artean ugariena da, eta erabilgarri dago zerua lainotuta dagoenean ere. Teknologia fotovoltaikoak eguzki-argia elektrizitate bihurtzen du, eta maketei esker prozesu hori bertatik bertara ulertu dugu”, azaldu dute ikasleek.

Teoriatik errealitatera: 80 plaka fotovoltaiko lanean

Proiektua ez da ikasgelako hormen artean geratzen; institutuak berak eredu izan nahi du. Orain dela urte batzuk, Zaraobek energiaberriztagarrien aldeko apustu irmoa egin zuen 80 plaka fotovoltaikoren instalazioarekin.

Inbertsio honi esker, zentro jasangarriago bat lortzeko bidean eta helburu jasangarriak betetzeko bidean pauso handia eman da. Eguzki-panelek, energia aurrezteaz gain, argi indarraren faktura nabarmen merketzea lortu dute, hilabete batzuetan aurrezpen itzela lortzeraino. Horrekin batera, zentroaren kontsumoaren murrizketan laguntzen dute egunero.

Adituen bisita eta kontzientzia ekologikoa

Urtero bezala, proiektuaren barruan, arlo zientifikoko ikasleek Zuia Ingeniaritzako adituen hitzaldia jaso dute. Saio honetan, energia berriztagarrien atala sakonago landu dute eta gure inguruko instalazioen funtzionamendua gertutik ezagutu dute.

Ekimen honen helburu nagusia ez da soilik akademikoa. Zaraobe Institutuak ikasleen artean kontzientzia ekologikoa zabaltzea eta efizientzia energetikoaren inguruan kontzientziatzea bilatzen du. Gure ikasleak etorkizuneko herritar arduratsuak izateko bidean, aldaketaren motorra dira dagoeneko.

#zuiaingenieria #energiasolar #energiasrenovables @zuiaingenieria

The post Zaraobe Institutuak jasangarritasunerako urrats handia eman du DBH2ko proiektu interdisziplinarrarekin appeared first on Zaraobe Institutua.

Zaraobe institutuak oraingo honetan ere EUSKARArekin bat  eta 24. KORRIKArekin bat egingo du!

Geure lekuko-hartzea 2356 kilometroan izango da, martxoaren 27an (ostegun-ostiraleko gauean) 01:08an, Mendiko eskolaren aurrealdean (Mendiko kalea, 36).

Ordu txikietan bada ere, geure lekuko hartzea eramango dute guztion izenean ikasle batek eta irakasle batek, eta nahi dugun guztiok lagundu ahal izango dugu, eta euskara babestu, guztiok EUSKARA garelako.

Animatu, eta etorri!

The post ZARAOBE 24. Korrikarekin bat! appeared first on Zaraobe Institutua.

Urtarrilaren 27an eta 28an ATE IREKIEN JARDUNALDIA izango dugu

Urtarrilak 27, asteartea  (herrietako familientzat)

Urtarrilak 28, asteazkena (Amurrioko familientzat)

17:00etan Ikastetxeko Areto Nagusian

The post Ate Irekiak DBH 26-27 ikasturtea appeared first on Zaraobe Institutua.

The post SAN TOMAS EGUNA appeared first on Zaraobe Institutua.

2026KO UDAN ATZERRIAN EGONALDIAK EGITEKO DEIALDIA

Atzerrian ingeleseko, frantseseko eta alemaneko ikastaroak egiteko plazen eskaintza, 2026ko udan, Euskal Autonomia Erkidegoaren funts publikoez finantzatzen diren ikastetxeetan Derrigorrezko Bigarren Hezkuntzako 3. eta 4. mailetan eta Batxilergoko 1. eta 2. mailetan matrikulatutako ikasleei zuzendua.

Hizkuntza-ikastaroak atzerrian – 2026ko uda

Learning languages abroad this summer

Apprendre les langues à l’étranger pendant l’été

The post ATZERRIAN UDAKO EGONALDIAK EGITEKO DEIALDIA  appeared first on Zaraobe Institutua.

Irakurtzeko plazerean hezi behar ditugu ikasleak, ‘irakurri irakurtzeagatik’, norberaren buruarekin gustura sentitzeko helburuaz egiten den plazerezko irakurketan.  Jakinik, gainera, irakurzaletasunak ikasleen garapenari ez ezik, eskola-arrakastari ere laguntzen diola.

The post Irakurtzeko plazerra sentitu duzu inoiz? appeared first on Zaraobe Institutua.

Horren adibidea da Arreta eta Gizarteratze zikloetako hiru irakaslek, joan den azaroan, Finlandian egin zuten egonaldia. KEUDA ikastetxean egon ziren hango ikuspegi metodologikoa ezagutzeko eta bi ikastetxeen arteko harremana estutzeko asmoz. 

Abenduan ere, Mekatronikako zortzi ikasle eta bi irakasle NextGenerationEU programak finantzatuta Vienara egin zuten baiaia. IES Zaraobe BHIk irakasgai batzuk ingelesez ikasteko aukera ematen die ikasleei, eta programa honek baliabideak eskaintzen ditu ikasleen zein irakasleen ingeles maila hobetzeko eta eskolaz kanpoko jardueretan parte hartzeko.

Bidaia honen helburua ikasleei ikasitakoa praktikatzeko aukera ematea eta beste ikastetxe batzuk zein tokiko erakundeak bisitatzea izan zen. Hala, HTL Moedling Austriako 14 eta 19 urte bitarteko ikasleentzako lanbide-heziketako ikastetxerik handiena bisitatu zuten.

Bidaia eta egonaldi interesgarri hauen inguruko informazio gehiago nahi izatekotan, jo esteka honetara.

The post IRASKASLEAK ATZERRIAN appeared first on Zaraobe Institutua.

Familia agurgarriak:
Gutun honen bidez, jakinarazi nahi dizuegu 2023–2024 ikasturteko GURASO BILERA
OROKORRA egingo dugula. Deialdia DBHko eta Batxilerreko ikasleen guraso eta tutoreei zuzenduta dago.
Bilera honen helburua, ikasturte berriari buruzko premiazko informazioa ematea, eta familia eta tutoreen arteko lehen kontaktua gauzatzea da.
Eguna: 2023ko urriaren 5ean

Ordua :

• DBH1 Harrera hitzaldia: 17:00etan
• Bilerak
• DBH1 eta DBH 2 : 17:30etan
  DBH3 eta DBH4: 18:00etan
  Batxilergokoak: 18:30ean
  Lekua: Zuen seme-alaben gelan
  Jorratuko ditugun gaien garrantzia dela eta,netorriko zaretelakoan gaude. Bilera egunera arte,
  agur bero bat.

ZUZENDARITZA

The post Gurasoen bilera, urriaren 5ean appeared first on Zaraobe Institutua.

• Manipulación de alimentos de alto riesgo
• Cuidados paliativos en domicilio y residencia
• Un huerto en mi balcón.

IZEN EMATEA

The post FORU ALDUNDIKO IKASTAROAK appeared first on Zaraobe Institutua.