Aurreko ikasturtean abiatu genuen gure ikastetxeko Hezkidetza Plana osatzeko prozesu garrantzitsua. Bide honetan, lehenengo eta ezinbesteko urratsa Diagnostikoa egitea izan da: gure komunitatearen ikuspegia, indarguneak eta hobetu beharrekoak zehatz-mehatz ezagutzea, alegia.

Eskertu nahi dugu komunitate osoaren erantzun bikaina, 500 pertsona baino gehiagok hartu baitute parte galdetegietan eta saioetan! Batetik 333 ikasle, 93 familia, 71 irakasle eta AZLko 7 langileen erantzunak jaso ditugu. Bestetik ikastetxeko irakasle guztiokin mintegika aurrez aurreko sakontze saioak oso emankorrak izan ziren. Zuen ahotsei esker, diagnostiko fidagarria eta sendoa lortu dugu.

Oro har, pertzepzio positiboa dago: ikastetxean berdintasuna sustatzen delako sentsazioa dago eta giroa, orokorrean, errespetuzkoa da. Halere, diagnostikoak argi utzi ditu oraindik aurrean ditugun hainbat erronka. Erronka hauek Hezkuntza Sailak datorren hilabetean hedatuko duen III Hezkidetza Planean kokaturik garatuko ditugu. 

Elkarrekin eraikitzen dugulako  ikastetxe errespetuzkoa eta berdinzaleagoa datorren hilabeetan ZARAOBEKO HEZKIDETZA PLANA elkarrekin osatzen jarraituko dugu.

The post ZARAOBEKO HEZKIDETZA PLANA ABIAN DA appeared first on Zaraobe Institutua.

2026-27 ikasturte hasierako BILERA OROKORRA egiteko deialdia luzatzen dizuegu guraso eta tutore guztiei. 

Bilera honen helburua ikasturte berriari buruzko informazioa ematea da, eta familien eta tutoreen arteko lehen zuzeneko kontaktua eskaintzea. 

Maila desberdinetarako ordutegiak eta datak:

Data: 2026ko irailak 23, asteazkena

• DBH 1. eta 2. maila eta batxilergoak 17:30etan 

Data: 2026ko irailak 24, osteguna 

•DBH 3. eta 4. maila arratsaldeko 17:30etan

Lekua: Zuen seme-alaben gelan. 

Gaiak garrantzitsuak direla eta, zuen presentzia izatea espero dugu. 

Egun horretara arte, jaso gure agurrik zintzoena.

ZARAOBEko Zuzendaritza taldea

The post BILERA OROKORRA familiekin (irailaren 23an eta 24an) appeared first on Zaraobe Institutua.

Programaren hamargarren edizioa urrian hasiko da. Lan-orientazioa, enplegua bilatzeko prestakuntza eta inguruko enpresetan praktikak egiteko zortzi beka eskainiko ditu.

Zaraobe lanbide-heziketako zentroko bazkide laguntzailea den Amurrio Bidean-ek, HAZILAN+ programaren edizio berrirako izen-ematea ireki du. Erdi Mailako edo Goi Mailako Lanbide Heziketako titulua edo unibertsitate-titulua duten langabeei zuzenduta dago.

Programa bereziki interesgarria izan daiteke Zaraobeko ikasle ohientzat, baldin eta lehen lan-aukera bilatzen ari badira, beren ibilbide profesionala berbideratu nahi badute edo lan-merkatuan sartzeko tresnak hobetu behar badituzte.

HAZILAN+ek prestakuntza, lan-orientazioa eta banakako laguntza uztartzen ditu. Parte-hartzaile bakoitzari bere helburu profesionala zehazten, gaitasunak identifikatzen eta enplegu-bilaketa prestatzen laguntzea du helburu.

Ibilbideak 64 orduko prestakuntza eskaintzen du gaitasun sozioprofesionaletan, curriculuma eta lan-elkarrizketak prestatzen eta enplegua bilatzeko adimen artifizialeko tresnak erabiltzen ikasteko.

Gainera, Amurrion erroldatutako pertsonek lan-orientazio pertsonalizatua jaso ahal izango dute, baita inguruko enpresetan sei hilabeteko praktikak egiteko zortzi beketako bat eskuratu ere. Bekaren aurreikusitako zenbatekoa hilean 830 euro gordin da, oinarri arautzaileen arabera.

Aurkezpena eta egutegia

Aurkezpen-saioa irailaren 21ean, astelehenean, egingo da, 10:00etan, Amurrio Bideanek ReforAmurrio Enpresaldean dituen instalazioetan.

Prestakuntza urriaren 1etik abenduaren 11ra bitartean egingo da, eta taldeko saioen ordutegia 9:00etatik 14:00etara izango da. Enpresetako praktikak 2026ko abendutik 2027ko ekainera bitartean egitea aurreikusten da.

Izen-ematea

Parte hartzeko, Amurrio Bideanen Pertsonen Atarian erregistratu behar da eta, Prestakuntza atalean, HAZILAN+ aukeratu.

Informazio gehiago eskatzeko:

• Telefonoa eta WhatsAppa: 945 891 721
• Helbide elektronikoa: formacion@amurriobidean.org

The post HAZILAN+ programak prestakuntza eta enpresetan praktikak eskaintzen dizkie langabezian dauden tituludunei appeared first on Zaraobe Institutua.

Zaraobe Lanbide Heziketako Institututik jakinarazten dugu, bazkide kolaboratzaile dugun MUBEA – Inauxa enpresak, langileak hautatzeko deialdi bat ireki duela behin-behineko kontratazioaren bidez espezialistak hartzeko.

Enpresak lan-poltsa bat jarriko du martxan, hautaketa-prozesuetan parte hartu eta etorkizuneko lan-aukerak lortzeko interesa duten profesionalentzat.

Interesdunek izena eman ahal izango dute 2026ko irailaren 10etik urriaren 16ra, biak barne.

Hautaketa-prozesuan parte hartzeko eta informazio gehigarria lortzeko, hautagaiek MUBEArekin harremanetan jarri beharko dute posta elektroniko honen bidez: convocatoriabolsa@mubea.com

Informazio gehiagoren berri izateko, jo esteka honetara.

The post MUBEA, langileak hautatzeko deialdia appeared first on Zaraobe Institutua.

Eskabidea egiteko epea 2026eko uztaliaren 27tik irailaren 30ra arte izango da

Tramitazioa egiteko jarraibideak honako loturan izango dituzue:

BEKA- EZ UNIBERTSITARIOAK

The post Beka ez-unibertsitarioak 2026-2027 appeared first on Zaraobe Institutua.

Lanbide Heziketa

2. kurtsokoak: 9:00etan
1. kurtsokoak: 9:30etan

DBH

DBH1: 10:00etan

DBH2: 10:30etan

DBH3: 11:00etan

DBH1: 41:30etan

Batxilergoa

Batxilergo 1 : 12:00etan

Batxilergo 2 : 12:30etan

Garraioaren inguruko informazioa : Zaraobeko webgunean ikus dezakezu.

Garraio erabiltzaileak autobusak normalean hartuko duen baino ordu t´erdi beranduago hartuko du. Autobusen irteera 13:00etan izango da. web orrialdean zerbitzu atalean kontsultatu ordutegia.

The post Aurkezpenak 2026-27 appeared first on Zaraobe Institutua.

Eskura dituzu jada Zaraobe Institutuko prestakuntza egiaztagarriko C GRADUAK, sartu LANBIDEren web orrian:

• MENDEKO PERTSONEI GIZARTE-ERAKUNDEETAN GIZARTE- ETA OSASUN-ARRETA EMATEA
• ERAGIKETA OSAGARRIAK AROTZERIA ETA ALTZARIGINTZAKO LANETAN
• ERAGIKETA OSAGARRIAK FABRIKAZIO MEKANIKOAN
• ERAIKIN ETA LOKALETAKO GAINAZAL ETA ALTZARIEN GARBITZEA

Ikastaroari buruzko informazio gehiago lortzeko eta aurreinskripzioa egiteko, egin klik interesatzen zaizun prestakuntzaren izenburuan.

The post Lanbide ikastaroak 26/27 appeared first on Zaraobe Institutua.

DBH 1., 2. 3. eta 4. kurtsoetako material didaktikoei eta curriculuma garatzeko baliabideei laguntzeko programari (Liburu Solidario programari) egokituriko liburuak Zaraobe ikastetxearenak dira, eta ikasleek mailegu moduan izango dituzte ikasturtean zehar. Programa honetan parte hartzeko ikasle bakoitzak 2026-27 ikasturtearen Hasierako gutunan adierazitako kopuruaren ordainketa egin behar izango du. Kurtso hasieran ordainketaren frogagiria tutoreari emango zaio.

Liburuak itsasgarria ez den plastiko batez forratzearen eta ikaslearen izena duen etiketa bat jartzearen ardurak hartuko ditu ikasle bakoitzak.

Ikasle bakoitzari egokituko zaion liburu sortak liburu berriak zein erabiliak eduki ahal ditu. Ikasturtearen amaieran testu liburuak egoera onean bueltatuko dira beraien berrerabilpenerako. Inolako ohar edo markarik idatzi, marraztu edo gehitu gabe itzuliko dira.

Libururen bat galduz gero edota ikastetxeko batzordeak liburuaren egoerari oniritzia ez emanda, dagokion kurtsoko Liburu solidario kuota ordainduko du; bestela, hurrengo ikasturtean ikaslea programatik kanpo geratuko litzateke.

DBH 1., 2., 3., eta 4., kurtsoetako ingeles eta frantsesezko ariketa-koadernoak –Workbook Basque (ingelesa, euskarazko edizioa) eta Les cahiers d’exercises (frantsesa) ez daude Liburu Solidarioaren programan eta, beraz, norberak erosi beharko ditu.

Parte hartu nahi EZ duen ikasleren familiak hurrengo I.eranskin hau bete eta hurrengo postetara helarazi behar izango du  uztailaren 20a baino lehen:   admnistrazio@zaraobe.net o idazkaria@zaraobe.net.

The post LIBURU SOLIDARIO PROGRAMA appeared first on Zaraobe Institutua.

2025/2026 ikasturtean, Batxilergoko, Erdi Mailako edo Goi Mailako prestakuntza zikloetako ikasketak egin eta Araban bizi diren udalerritik beste udalerri batera joan behar duten ikasle gazteentzat diru-laguntzak emateko deialdia zabaldu du Arabako Foru Aldundiak.

Eskaerak egiteko epea ekainaren 20tik uztailaren 6ra arte izango da, biak barne.

Informazioa eta izapideak honako esteka honen bidez irakur daitezke:

Eskaera

The post Araban garraiorako dirulaguntza appeared first on Zaraobe Institutua.

Eskabideak eta dokumentazioa entregatzeko epea: 2026eko ekainaren 15etik 30era, biak barne.

ZARAOBEN lehendabiziz matrikulatzen diren ikasleek ekarri behar dituzten dokumentuak:

• NANaren fotokopia.
• 2 argazki (atzeko aldean izen-abizenak jarrita).
• Ikastetxeko 2026-2027 ikasturterako matrikula orria.
• Ordainketen frogagiriak. (AZALPENA, beheko dokumentuan)

Errepikatzaileak eta 2. mailan matrikulatuko diren ikasleek ekarri behar dituzten dokumentuak:

• NANaren fotokopia.
• Argazki 1 (atzeko aldean izen-abizenak jarrita).
• Ikastetxeko 2026-2027 ikasturterako matrikula orria.
• Ordainketen frogagiriak. (AZALPENA, beheko dokumentuan)

Behar diren dokumentu orriak ondoren dituzue.

The post Batxilergorako MATRIKULA zabalik! Ekainaren 15etik 30era appeared first on Zaraobe Institutua.