Urte asko itxaron ostean Gizarteratzearen Goi mailako zikloa ikasteko aukera heldu zitzaidan. Duela bi urte, nire asmoa Curriculum-a handitzea baino ez zen, lanean nengoen eta. Kurtsoa ilusioz hasi nuen, gazteez eta helduren batez inguratuta. Hilabete bat pasa ostean gaixotu nintzen eta ikasketak utzi behar izango nituela pentsatu nuen; eskerrak, ez zen horrela, eta zikloa osatzen zuten pertsonei esker bereziki, ikasketak amaitzea lortu nituen. Esan dezaket, niretzat, ikasketak terapeutikoak izan ez ezik lanaren arloan oso lagungarriak ere izan direla. Gaur, hezkuntzan lanean nabil. Mila esker aukera berri hau emateagatik.

Zaraobe Institutuan graduatu ondoren, kirolarekiko nire pasioa jarraitzea erabaki nuen, eta Gasteizko Unibertsitatean (Euneiz) izena eman nuen Jarduera Fisikoaren eta Kirolaren Zientziak ikasteko. Euneiz unibertsitate berria den arren, ikasleen eta irakasleen arteko harremana hurbila da, elkarlaneko giro dinamikoa sortuz. Eskola praktikoak oso baliagarriak izan dira, bai profesionalki, bai pertsonalki, etengabeko ikaskuntza eta hazkundea sustatuz.

Zaraobe Institutuan DBH eta Batxilergo Zientifikoa ikasi nituen. Egia esan, oroitzapen politak datozkit burura garai horietaz gogoratzean, bidean alboan izandako ikaskideengatik zein institutuan izandako irakasleen sostenguagatik. Zaraobe ostean, Gasteizko Erizaintzako Unibertsitate-Eskolan ikasketak jarraitu nituen. Egun, emagin espezialitatea egiten nabil Gironan. Hala ere, nire asmoa Euskal Herrira bueltatzea da, erizainen (zein emaginen) lan-eskaintzak nahiko egokiak direlako, beste autonomia erkidegoekin alderatuz.

Zaraobe Institutuan izan dudan esperientzia funtsezkoa izan da nire hezkuntza- eta lanbide-garapenean. Derrigorrezko Bigarren Hezkuntzarekin hasi nintzen eta Batxilergo Teknologikoarekin jarraitu nuen, ondoren Mekatronika Industrialeko Goi Mailako Graduarekin. 8 urte eman nituen zentro horretan, eta esperientzia aberasgarriak eta hezitzaileak bizi izan nituen. Gero, Laudioalden bi goi mailako ikasketak egin nituen eta Errioxako Unibertsitatean graduondoko bat, Mubea Inauxan mantentze teknikari lanetan ari nintzela. Eskertuta nago jaso nituen aukerengatik eta laguntzagatik, bai prestakuntzan, bai lanean.