Hizkuntza Normalkuntzarako Proiektua
Helburua.
Denok dakigunez, gure gizartean, nahiz eta elebidunak izan, gehien erabiltzen dugun hizkuntza gaztelania da euskara baino. Gainera, euskara ikasi arren, badakigu horrek ez duela bermatzen ikasleek euskara erabiltzea.
Horregatik, gaur egun 400 ikastetxek parte hartzen duten Hizkuntza Normalkuntzako programak sortu ziren.
Helburu nagusia ikasleen artean euskararen erabilera bultzatu eta indartzea da, bai ikastetxearen barruko jardueretan bai kanpoko jardueretan, euskara adierazpen arrunt bihurtzeko.
Ekintzak.
Azken urteotan, hainbat ekintza egin dira, euskal kultura eta ohiturei dagozkien ospakizunekin zerikusia dutenak, hala nola, San Tomas eguneko festa abenduan, Korrika eta Euskaraldian parte hartzea edo profesional euskaldunen hitzaldiak.
Beste batzuk, ikasturtean zehar, eskolako giroetan eta eguneroko jardueretan euskararen presentzia normalizatzeko; esate baterako, ‘Murgiltze astea’ hizkuntzan murgiltzeko asteak, “Ikasleen batzordea” ikasle euskaltzaleen elkartea, irakasleekin batera jarduerak antolatzen parte hartzeko aldian-aldian biltzen dena, edo azken urteotan bultzatutako “Gurasoen batzordea”. Era berean, euskarazko heziketa zikloetako praktikak egitea bultzatzen ari da, “Lantokiko prestakunta edo duala euskaraz’ programari atxikiz.
Metodoa.
Aurten horretan ari gara, lehenik non gauden aztertzen, bigarrenik nora joan nahi dugun erabakitzen eta, azkenik, nola egingo dugun.
Bestalde, irailean urtero prestatzen dugu Urteko Plana, ikasturte bakoitzean egin beharreko ekintzak zehaztu eta planifikatzeko. Ekintza horietako batzuk puntualak dira, euskal kulturaren eta ohituren berezko ospakizunekin zerikusia dutenak; beste batzuk, ikasturtean zehar, eskolan eta eguneroko jardueretan euskararen presentzia normalizatzeko.
Aurten, besteak beste: euskara-txapelketa, berbalagun taldea, San Tomas antolatzeko laguntza, hitzaldiak, Udalak antolatutako jardueretan parte hartzea, matematika-ikastaroa, ibiltokietarako kartelak prestatzea Plastikako irakasleen laguntzarekin, San Valentin egunerako gutunak, hiztun-pinak… Hurrengo zereginetan, jarduera hauei buruzko artikuluak aurki ditzakezue Institutuaren aldizkarian: Dena eta eguneroko zeregin normaletan... beraz… ANIMO! EKIN DIEZAIOGUN EUSKARARI!!!!
